Yves Rocher Sebo Vegetal Matifying gel cream&Purifying scrub

Здраво девојки,

денес сакам да ви ги пренесам моите впечатоци за серумот, кремата и пилингот на францускиот бренд Yves Rocher од нивната колекција за масна кожа Sebo Vegetal. 

Маската за лице и мицеларната вода од оваа линија веќе можевте да ги видите во моите претходни текстови, а серумот за лице го опишав во мојот најнов текст на сајтот My Gala Life, кој може да го погледнете на овој линк.

Како што напоменав и во моите претходни текстови, јас сум воодушевена од оваа колекција и во целост и одговара на мојата кожа на лице, па затоа таа стана дел од мојата секојдневна нега.

Колекцијата е одлична, нежна, но и доволно груба во исто време, доволно онолку колку што е потребно за да го отстрани непотребниот себум од кожата и да ја негува длабински.

Но, тука денес сакам да обрнам повеќе внимание на гел кремата и пилингот за лице од оваа колекција. 

Матирачка гел крема - Кремата доаѓа во туба од 50ml. што е количина сосема доволна за 2 месечна секојдневна употреба, барем за начинот на која јас ги користам кремите генерално. Самата крема има жолтеникава боја и лесна скоро провидна текстура.

 Доста е воденкаста и лесна, па нанесена на кожата дава ефект на разладување и свежина. Поради својата геласта структура оваа крема е доста лесна и не ја масти кожата, напротив ја матира и хидрира во исто време. 

Исто така, таквата текстура и овозможува лесно и брзо упивање во кожата на лицето .

 Покрај секојдневната нега, која оваа гел крема и ја пружа на кожата, може да ја користите и како база за шминкање, пред нанесување на вашата секојдневна шминка.   

После користење на оваа крема, кожата е мека, нежна на допир, визуелно почиста и одлично негувана. 

Прочистителен пилинг за лице - Покрај останатите производи од оваа колекција, исто така изминатиот период го користев и пилингот за лице на истоимената колекција. 

Самиот пилинг доаѓа во туба од 75ml што е сосема доволна количина за неколкумесечно користење со оглед на тоа што барем јас практикувам користење на пилинг еднаш во 10 дена. Самиот пилинг има бело-зеленкаста текстура во која се наоѓаат гранули кои ја чистат кожата длабински и го измазнуваат нејзиниот површински слој. Па така, овој пилинг ќе ви помогне во отстранување на сите митесери и ситни неправилности на лицето. 

Пилингот има пријатен мирис, па негата со него е вистинско уживање.

 Јас го обожавам, бидејќи длабински ја отстранува целата нечистотија и мртва кожа од површинскиот слој на кожата на моето лице.

И тоа е се за оваа колекција, се надевам дека сите оние девојки, кои имаат проблем со масната кожа како и јас, ќе пронајдат барем еден производ од оваа колкција кој ќе го обожаваат.