Здраво девојки,
Секогаш , пред да
започнете со шминкање на Вашето лице , потребно е да нанесете база за шминка .
Така, Вашиот пудер и целокупна шминка, ќе останат подолго време на лицето и ќе
изгледаат подобро.
Но, во текот на жешките летни денови, лицето има потреба
од лесни производи кои ќе и овозможат лесна вентилација на кожата.
Така, ова лето
,моја омилена база е новата база на Нивеа која има геласта структура и воден
ефект.
Пред некое време, на пазарот, барем јас ја забележав
тогаш, Нивеа пласираше сосема нова и поинаква подлога за шминка која наликува
на крема за лице. Производот доаѓа во стаклена тегла од 50мл како и секоја
друга крема на оваа компанија.
Она што е сосема различно, е гелстата и лесна текстура на
овој производ.
Самиот производ има млечно бела боја, која нанесена на кожата се
впива многу лесно и дава ефект на вода односно ја разладува кожата и и дава пријатно чуство на свежина. Производот
се впива во кожата за неколку минути, па кожата станува мазна и хидрирана без
ниту еден сув дел. На овој начин таа е припремена за нанесување на останатите
производи, односно течен пудер итн.
Јас едноставно ја обожавам оваа база бидејќи ми помага во
негата на моето лице и ја прави мојата шминка безпрекорна.
Моја целосна препорака за овој производ.
No comments:
Post a Comment