Yves Rocher - Light foundation coushion..

Здраво девојки,

Денес сакам да Ви претставам еден новитет, иновација во светот на козметиката која кај нас, ако не се лажам , пристигна прв како дел од големото семејство на брендот Yves Rocher.

Станува збор за течен пудер кој всушност доаѓа во пакување како камен.  

Light foundation coushion е името на новиот пудер кој има улога на втора кожа на Вашето лице. Поентата на овој тип на пудер, е да се создаде готово невидлив пудер кој ќе ги прекрие неправилностите на лицето, а притоа ќе биде лесен за кожата и неприметлив за човечкото око. 

Јас го користам веќе 2 недели од прикилика, и сум воодушевена. 

Одкако го погледнав овој тип на пудер на каналите на светските блогери и јутубери, фасцинирана сум и едвај чекав да пристигне вакво нешто и кај нас.

 Па затоа, веднаш го набавив и од тогаш непрестано го користам.

Овој пудер доаѓа во пластична паковка како и камен пудер, но овој пудер е доста течен па е сместен,односно натопен во еден сунѓер кој е безбедно поставен во кутијата, а заедно со него добивате и посебен апликатор од густ сунѓер со кој може да го нанесувате и дозирате производот на лицето. 

Поради неговата текстура, овој пудер скоро и не е можно да се нанесе со помош на четка за течен пудер. 

 Самиот пудер е доста лесен, нежен на лицето и веднаш се прилагодува.

 Има средна покривна моќ, па е одличен и за дневна и а вечерна шминка. Исто така е долготраен, односно нанесен на кожата без дополнително фиксирање, останува со часови . 

За мене ова стана совршен пудер за овие летни и жешки денови, бидејќи и овозможува на мојата кожа да дише, а притоа и дава беспрекорен изглед. 

Моја целосна и топла препорака за овој производ.