Aura Cosmetics - Geisha Matte Lip Cream !!

Здраво девојки,

Како што неодамна можевте да видите на мојата фб страна, козметичката компанија Аура неодамна на пазарот лансираше нова линија на декоративна козметика наречена Гејша.

Во неа можат да се најдат неколку производи со кои може да постигнете женствен и сензуален изглед кој ќе ве направи заводлива жена токму како и гејшите.

Па денес, сакам да ви ги пренесам моите впечатоци од користењето на 2 производи од оваа колекција, а станува збор за течните мат кремасти кармини. 

Пред се,  морам да кажам дека бев воодушевена од боите на овие кармини  бидејќи се сосема женствени, темни нијанси какви што јас обожавам и најчесто носам.Па така, овие мат кармини беа идеални за мене и едноставно мораа да се најдат во мојата колекција.

Самите кармини доаѓаат во пластично транспарентно пакување па така може да ја погледнете и нијансата на самиот кармин. Во себе  карминот има и апликатор кој е добар и прецизен и сосема употреблив. 

Самата текстура на кармините е добра, нешто поретка од досегашните мат течни камини на Аура,но сепак со одлична пигментација. Еден слој на овој течен кармин е сосема доволен за добра прекривеност на усните.

Едниствената мана, ако можам да кажам така, е тоа што овие кармини нанесени на усните се сушат нешто подолго од останатите мат кармини кои јас сум ги пробала,односно потребни им се неколку минути за да го добијат оној целосно мат ефект на усните, но одкако ќе се исушат остануваат на усните со часови.

Уште една позитивна работа е тоа што овие мат кармини истовремено ги негуваат усните и не ги сушат како останатите мат течни кармини.

Јас ги имам во 2 нијанси, темно црвена и виолетова, одлични нијанси за вечерна варијанта или дневна смела шминка. 

2016 Favorites !!! Фаворити за 2016 година!!!

Здраво девојки,

Нова година, нови сили и нови текстови на мојот блог.

За прв пат оваа 2017та, добродојдовте на мојот блог. А како најдобар начин да ја започнам оваа година кога станува збор за козметичките производи и овој блог, е да ви ги прикажам моите омилени производи за 2016год. , производи кои најмногу ги користев и производи кои се издвоиа по своите карактеристики.

Како што добро знаете , изминатата година низ страниците и постовите на овој блог можевте да прочитате голем број на рецензии и друг вид на постови во кои беа представени голем број на козметички производи но, сепак само некои од нив оставиа навистина силен впечаток на мене и во целост му одговараа на моето тело. Па да се подсетиме на нив: 

Производот во кој се заљубив изминатата година и го користам постојано, е регенераторот во спреј на Gliss. Овој производ  направи дефинитивно да исчезне мојот проблем со заплеткување на косата но, покрај тоа овој спреј и ја врати живоста на мојата коса и безпрекорниот сјај. 

Кога станува збор за нега на тело, оваа година за мене се издвоија 2 производи и тоа: Зиаја путерот за тело од портокал кој има феноменален мирис и одлична текстура, како и млекото за тело на Yves Rocher од малина кое е доста лесно но доста хидрантно во исто време. 

Уште еден производ за коса кој ме изненади и воодушеви изминатата година, е шампонот на Балеа кој судејќи по цената сметав дека е некој просечен производ и купувајќи го немав големи очекувања. Но, кога го пробав едноставно неможев да се начудам на ефектот кој овој шампон го остава на коста. После него таа едноставно е феноменална.

И на крај, кога станува збор за декоративната козметика, изминатата година најголем впечаток на мене оставија 2 производи и тоа: Аура бронзерот за лице кој дава одличен природен изглед на контурите и лесно е прилагодлив и во летниот и во зимскиот период, и Малена течниот кармин за усни кој е дефинитивно моето откритие на годината. 

Се надевам дека ви се допаднаа производите кои јас ги издвоив како фаворити за изминатата година. 

Кои беа Вашите фаворити за 2016 година?