Malena Precision liner & Malena Micromatic Eyeliner !!

Здраво девојки,

Денес со Вас, сакам да ги споделам моите искуства од користењето на 2 производи за очи на компанијата Малена, а станува збор за Precision liner односно туш за очи во вид на фломастер и Micromatic Eyeliner моливче за очи кое е толку тенко и прецизно што делува потполно исто како и ајлајнерот.

 

Malena Precision liner – Ова е еден од најпрактичните тушеви за очи кои сум ги испробала. 

Иако морам да признаам, не сум многу вешта со овие производи , сепак со овој успевам да направам сосема добра линија на горниот очен капак.

Самиот производ доаѓа во елегантно црно пакување кое содржи гумен дел во кој го држите, па така не се лизга и е стабел во Вашите раце. 

Производот има доста тенок и зашилен врв ,изработен од цврст материјал па така нема да се сплеска или превитка, туку прецизно и лесно ќе направите линија на очниот капак онака како што сте ја замислиле.

Овој туш има интензивно црна боја која е долготрајна. Притоа , не се вовлекува во линиите н аокото и не се размачкува додека го носите.

Malena Micromatic Eyeliner – ова е еден од најгламурозните , ако можам да кажам така, производи за очи кои ги поседувам. 

Секако тоа го зборувам поради неговото пакување кое е елегантно , црно и тенко, но и поради самиот производ кој всушност е механички молив тенко и прецизно изработен да овозможува да направите сосема прецизна линија на окото.

Овој производ има одлична пигментација, но за разлика од предходниот, не трае толку. 

Она што посебно ми се допаѓа кај овој молив е тоа што е механички,па секогаш е добро зашилен и потполно еднакво и прецизно може да ја нанесете линијата на очните капаци.

Одлични производи за секојдневна употреба,и по квалитет и по цена.

 Нивната цена изнесува околу 100денари за секој. 

New In # 1

Здраво девојки,

Добродојдовте на мојот блог! 

Измина доста време од мојот последен haulпост тука, па со почетокот на новата година време е тоа да се промени. Така, неодамна наидов на брендот Doctor’s и сакав да испробам некои производи од нивниот асортиман кои за мене беа занимливи. Па денес, ви ги представувам токму тие во мојот прв New in пост за оваа година.

За сите оние кои не се запознаети со овој бренд, Doctor’s е компанија која на пазарот нуди медицински производи за нега на целото тело.

Покрај тоа, во нивниот асортиман може да најдете и најразлични медицински препарати како сирупи, потоа чаеви, кафе итн.

Со самото разгледување на нивната интернет страна , се изненадив од количината на различни производи кои моѓе да ги најдете во нивниот асортиман, но и од навистина пристапните цени.

Бидејќи јас одлучив да испробам поголем број на производи, ги контактирав луќето на Doctor’s Македонија,а тие беа толку љубезни и производите ми ги доставија на домашна адреса,па така успеав сосема лесно да стигнам до сите производи од нивниот асортиман за кои се одлучив.

 А што испазарив, ќе може да погледнете во продолжение. 

Во овој пакет се најдоа најразлични препарати како шампони,креми за лице, регенератори и маски за коса, балзами за усни, сапуни, производи за нега на заби, производи за нега на лице итн. Во некои од моите наредни текстови ќе може да прочитате подетални информации околу истите.А до тогаш, напишете ми во коментарите подолу доколку сте испробале некој од овие производи како и Вашите впечатоци за истите.

AURA make up products- First Impresion!!

Здраво девојки,

Добродојдовте на мојот блог. 

Денес , како што може да погледнете во насловот, со Вас сакам да ги споделам моите први впечатоци од користењето на некои нови производи кои пред извесен период се најдоа во мојата колекција, а до сега немав прилика да ги користам.

Станува збор за неколку новитети на компанијата Аура,односно база за нанесување на шминка, хајлајтер и течен мат кармин. 

Па да започнеме: 

Ова е прв производ од ваков тип кој јас го користам, односно прва база за нанесување на шминка. 

Бидејќи на пазарот постојат мал милион базни производи,неможев да се одлучам за еден од нив,а во меѓувреме кај мене пристигна базата на Аура и сосема случајно тоа беше производот кој започнав да го користам.

 Иако неможам да направам споредба помеѓу овој и друг производ со иста намена, сепак можам да кажам дека мене многу ми се допадна ефектот кој овој производ го остава на кожата. Пред се, потребни се 2 капки од овој производ како би го прекриле цело лице, што значи дека ова пакување од 30тина милилитри ќе трае со месеци.

По нанесување кожата е мазна и без набори , свиленкаста на допир и одлично припремена за понатамошната шминка. Пудрата нанесена над овој производ  ќе направи Вашето лице да изгледа како да е од порцелан.

Пред извесен период, компанијата Аура на пазарот лансираше линја на производи наречена So Sweet , помеѓу кои се наоѓаше и овој гел хајлајтер кој го привлече моето внимание и долучив да го испробам.

Пред се ,овој производ има интересна структура на желе која веднаш и лесно се нанесува на посакуваното место .Неговата нежно розевкаста боја и златен сјај, го прават идеален за вечерна гламурозна шминка, а долготрајноста одлично се вклопува во долгите ноќни забави. 

Сепак сметам дека овој производ ќе биде одличен за летниот период  кога кожата бара хидратизација, а производите кои ги користиме се течни како и овој хајлајтер.

Absolute Matte течните мат кармини се едни од омилените производи за усни на женската популација, и со право бидејќи се одлични во секоја смисла. 

За нивната одлична пигментација, долготрајност, лесно нанесување и одлични нијанси, веќе можевте да прочитате на мојот блог ,а и на секој друг beauty блог, па затоа јас нема да пишувам за тоа колку овој производ е добар, туку овојпат сакам да ви ја представам новата нијанса во мојата колекција. Станува збор за нијансата 610 Vivid feel , темна нијанса која е некоја мешавина помеѓу бордо и виолетово, моја омилена до сега. 

Ова е нијанса на кармин кој лесно може да го прилагодите во вечерна и дневна варијанта на шминка, небитно дали притоа одите на работа, кафе со пријателите или гламурозна забава.

My everyday make up routine - #2 Mascara!

Здраво девојки,

Пред извесен период тука на мојот блог, можевте да го прочитате првиот пост од серијалот на постови во кои сакам да ви ги прикажам  производите од декоративната козметика кои јас ги користам во мојата секојдневна рутина на шминкање.

Таму можевте да прочитате нешто повеќе за пудрата која е дел од мојата секојдневна рутина на шминкање во изминатиов период ,тој пост може да го погледнете ТУКА, а денес ќе ви ја представам маскарата која исто така ја користам на дневна основа.

Првата асоцијација која ми доаѓа на памет кога зборувам за трепки е волумен. За мене трепките секогаш мора да имаат волумен. Тоа е мојот „заштитен знак“, а маскарата за волумен, мојот омилен производ.

Иако на пазарот може да пронајдете голем број на различни маскари од различни брендови, и барем јас често пати поскакувам да испробам што е можно поголем број од нив, дел од радозналост дел поради мојата работа како блогер, но секогаш се наврајќам на брендот Мах фактор. Тоа е мојата сигурна карта и секогаш кога имам потреба од гламурозен изглед на очите ,а не сакам да погрешам, избирам маскара на овој бренд.

 До неодамна тоа беше маскарата 2000 калори, а од неодамна тоа е Voluptuous False Lash Effect mascara, маскара која на трепките им дава неверојатен волумен и истовремено ги издолжува.Барем тоа е мојот впечаток од нејзиното користење.

Кога првпат ја видов оваа маскара, за мене имаше преголемо пакување и огромна четка за нанесување на производот, па се прашував како е можно да со ваква голема четка нанесете прецизен слој на маскара. Но, со оглед на тоа што стануваше збор за брендот Мах фактор не се сомневав во нејзиниот квалитет и одлучив да ја испробам. И секоко не погрешив, феноменале производ.

Маскарата има одлична текстура и супер пигментација.

На трепките остава сосема црна боја,интензивна и долготрајна.

Јас секогаш ја нанесувам маскарата во 2 слоја,а тоа кај некои маскари знае да направи трепките да изгледаат лошо и слепено.

 Секако , тоа не е случај со овој производ. По нејзиното нанесување, маскарата дава неверојтен волумен и должина на моите трепки, а притоа се добива ефект на вештачки трепки иако тие не се на Вашите очи.

Уште една позитивна карактеристика кај овој производ, е неговата трајност која кај мене и по 5 месечна секојдневна употреба сеуште е интензивна во нејзината боја, а можам да забележам и дека производот се истрошил нешто повеќе од половина. 

 Оваа маскара јас ја купив по цена од околу 900 денари во Еликсир парфимериите. 

Дали Вие сте ја пробале оваа маскара? Која е Вашата омилена маскара за волумен?